PRISHTINË, 6 qershor/ATSH/ Protesta e veteranëve në oborrin e Kuvendit ka përfunduar me lëndimin e një protestuesi dhe dy policëve.
Veteranët janë ndjerë të diskriminuar dhe kanë vendosur të protestojnë për mos përfshirjen e tyre në ngritjen e pagës minimale që është propozuar nga qeveria.
Kjo ishte paraparë të shqyrtohej dhe votohej sot në Kuvendin e Kosovës por nuk kaloi për shkak se nuk kishte kuorum.
Me përfundimin e seancës, janë shpërndarë edhe protestuesit, të cilët hynë në oborrin e Kuvendit në përpjekje për ta ndaluar këtë seancë. Aty u përdor gaz lotsjellës, por që ende nuk dihet me siguri se kush e ka hedhur. Policia mohon se e ka përdorur gazin lotsjellës, ndërsa protestuesit thanë se erdhi nga ndërtesa e Kuvendit. /KosovaPress/
