LONDËR, 21 maj /ATSH-DPA/- Familja mbretërore britanike ka ofruar strehim për familjet ukrainase që janë detyruar të largohen nga atdheu i tyre.
“Anëtarët e familjes mbretërore janë zotuar se do të japin kontributin e tyre dhe do të strehojnë refugjatë, duke theksuar se nuk kanë dëshirë për publicitet”, sipas gazetës “Daily Express”.
Rreth 53 800 refugjatë ukrainas kanë mbërritur në Britaninë e Madhe sipas skemave të vizave, duke përfshirë programin “Homes for Ukraine”, i cili përbën pak më shumë se gjysmën e numrit të vizave të dhëna.
Nuk dihet ende se cilët anëtarë të familjes mbretërore po strehojnë refugjatët ose ku po sigurohet strehimi.
Pallati u përdor për të strehuar refugjatët mbretërorë gjatë Luftës së Dytë Botërore, ku mbretëresha Wilhelmina e Holandës, si dhe mbreti i Norvegjisë Haalon dhe djali i tij Princ Olaf qëndruan atje pasi u larguan nga nazistët në 1940.
Më herët ministri përgjegjës për programin “Homes for Ukraine”, bëri thirrje që skema të bëhet një model për trajtimin e krizave të ardhshme të refugjatëve. //a.i/
