TIRANË, 9 maj/ATSH/ Në Ditën e Evropës bashkia e Gjirokastrës organizoi sot një program të veçantë aktivitetesh.
Pjesë e tyre kanë qenë performancat artistike dhe ekspozitë në pikturë e nxënësve të shkollave 9-vjeçare dhe të mesme, workshop me idetë mbi politikat e Bashkimit Evropian për mbrojtjen e mjedisit dhe ndërgjegjësimin e qytetarë në bashkëpunim me grupe të rinjsh, etj.
Sipas kryetarit të bashkisë, Flamur Golemi, në Ditën e Evropës, nëpërmjet aktiviteteve të zhvilluara, përcjellin mesazhin e tolerancës dhe bashkëjetesës mes popujve.
”Evropa nuk është thjesht një nocion gjeografik, por mbi të gjitha një bashkësi vlerash, ndërsa Shqipëria synon që së shpejti të jetë pjesë e Bashkimit Evropian”, tha Golemi.
Pjesë e aktiviteteve ishte dhe krijimi i Këshillit Vendor Rinor, i cili do të bëjë të mundur përfshirjen e të rinjve në zbatimin e politikave lokale.
/k.s/a.a/r.e/
