ROTERDAM, 2 shkurt /ATSH-DPA/ – Roterdami do të çmontojë pjesërisht urën e tij ikonike ”Koningshaven De Hef” për të lejuar kalimin e jahtit të ri luksoz të miliarderit Jeff Bezos.
Themeluesi i ”Amazon” dhe njeriu më i pasur në botë ka porositur te kompania ”Oceano di Alblasserdam” ndërtimin e një jahti gjigant.
Një anije me tri direkë, aq e madhe, sa nuk është e mundur të kalojë nën urë, që do të çmontohet përkohësisht.
Bashkia e Roterdamit ka bërë të ditur se ka pranuar kërkesën e kompanisë që merret me ndërtimin e anijeve, por vetëm për pragmatizëm.
Kompania ”Oceano” dhe miliarderi Bezos do të rimbursojnë të gjitha kostot që do të nevojiten për këtë lëvizje.
”Roterdami është kryeqyteti detar i Evropës. Ndërtimi detar dhe aktivitetet në këtë sektor janë një shtyllë e rëndësishme e bashkisë”, shtoi kreu i saj, Marcel Walravens./ /os/
