LONDER, 26 janar /ATSH-DPA/ – Këngëtari britanik Elton John anuloi dy shfaqje të ardhshme në Dallas pasi rezultoi pozitiv me Covid-19.
Këngëtari i “I’m Still Standing” shprehu keqardhjen që nuk mundi të performonte, por siguroi fansat se do të rifillojë turneun e tij së shpejti.
“Për fat të mirë jam plotësisht i vaksinuar dhe simptomat e mia janë të lehta, kështu që pres të bëj shfaqjet në Arkansas këtë fundjavë”, shkroi në Instagram 74-vjeçari.
Ai kërkoi falje për shqetësimin, duke shtuar se po përpiqet të mbrojë veten dhe ekipin e tij. /os/
