DUBLIN, 20 dhjetor /ATSH-DPA/ Omicron është bërë dominues në Irlandë, ku më shumë se 51.6 përqind i të gjitha infeksioneve të konfirmuara besohet t’i perkasë variantit të ri të koronavirusit.
Këshilltari kryesor mjekësor i Irlandës, Tony Holohan, tha për RTÉ se, “u deshën më pak se dy javë që Omicron të bëhej dominues në Irlandë, gjë që tregon sesa ngjitës është varianti më i ri i COVID-19.
Ai tha se tani ishte e domosdoshme të kufizoheshin kontaktet dhe të ulej kurba e infeksioneve të reja për të parandaluar vdekjet e panevojshme dhe për të mbrojtur sistemin shëndetësor.
Si kurba e infeksioneve të reja, ashtu edhe ajo e vdekjeve ishin rritur ndjeshëm ditët dhe javët e fundit në vendin me rreth 5 milionë banorë.
Incidenca, e cila llogaritet për një periudhë 14-ditore në Irlandë, e fundit ishte (më 13 dhjetor) ishte 1 305 raste për 100 000 banorë.
Në fillim të dhjetorit, qeveria irlandeze vendosi kufizime të reja lidhur me koronavirusin.
Klubet u mbyllën sërish, ndërsa teatrot dhe kinematë lejoheshin të mbushnin vetëm gjysmën e kapacitetit të tyre. //a.i/
