Mbillen rreth 100 pemë dekorative në mjediset publike
TIRANË, 17 dhjetor /ATSH/ Bashkia Finiq, në Sarandë, ka vijuar edhe këtë sezon dhjetori, që njihet si muaji i pyllëzimit dhe rehabilitimit të zonave të publike të gjelbërta, aksionin për mbjelljen e pemëve të reja.
Në këtë bashki, këto ditë po mbillen rreth 100 pemë dekorative në mjediset publike.
Sekretari i përgjithshëm i kësaj bashkie Vangjel Xhaferi, bëri të ditur për ATSH- se pemët dekorative po mbillen nga punonjësit e bashkisë.
Zonat e përcaktuar për t’u pyllëzuar janë në kryqëzimin e Kranesë, te Çezmat e Ardhasovës, në Livadhja, etj.
Sipas përgjegjësit të sektorit të gjelbërimit Mihal Çakuli, “e gjithë sasia e pemëve dekorative do të mbillet kryesisht anës së rrugëve nacionale, si dhe në ato raste kur pemët e mëparshme janë tharë ose dëmtuar”.
Sipas tij zgjerimi i hapësirave publike të gjelbëruara është një nga objektivat kryesorë të bashkisë Finiq, si një nga zonat e njohura turistike të vendit.
/j.p/r.e/
