BERLIN, 14 dhjetor /ATSH-ANSA/- CarNext, një nga tregjet kryesore në Evropë për shitjet në internet për makina të përdorura, njofton sot se kampioni botëror i Formula 1, Max Verstappen do të shesë makinën e tij Honda Civic pas përfundimit të kampionatit të Formula 1 të vitit 2021.
Makina do të dalë në shitje më 23 dhjetor për 33 333 euro dhe të ardhurat do të shkojnë për bamirësi.
Verstappen përdori Honda-n e tij të personalizuar për të arritur pistat F1 në mbarë botën gjatë gjithë sezonit.
“Jam shumë i lumtur që makina ime kontribuon në një kauzë të mirë si ajo e mbështetur nga ”Wings for Life”, komenti i Verstappen.
”Shpresoj që pronari i ri të shijojë ngarjen e tij po aq sa unë”, shtoi ai. /os/
