TIRANË, 9 dhjetor/ATSH/ Festat e fundvitit i kanë shtuar shkëlqimin qytetit të Lezhës.
Kryeministri Edi Rama ndau sot pamje nga atmosfera e ngrohtë që ofron qyteti i Lezhës, këto pragfestash.
Dekori festiv i shtrirë në të gjitha rrugët i ka dhënë një pamje mahnitëse qytetit që pret mijëra turistë gjatë sezonit veror, por edhe në stinët e tjera të vitit.
E kthyer tashmë në traditë, ndezja e dritave të pemës së Vitit të Ri në Lezhë, u shoqërua me një koncert festiv nga artistët e rinj.
Ndërthurja e turizmit bregdetar me atë historik e natyror dhe kulinaria e pasur e bëjnë Lezhën një destinacion për turizëm gjithëvjetor./m.m/j.p/
