TIRANË, 9 dhjetor /ATSH/ Delegacioni i Bashkimit Evropian në Shqipëri ka dhënë një mesazh me rastin e Ditës Ndërkombëtare Kundër Korrupsionit.
“Korrupsioni shteron burimet jetike të Shqipërisë, ndikon në shtetin ligjor dhe në besimin e publikut tek institucionet, si dhe ngadalëson ndjeshëm zhvillimin ekonomik”, ka theksuar Delegacioni i BE.
“Në Ditën Ndërkombëtare kundër Korrupsionit, u bëjmë thirrje gjithë institucioneve që të intensifikojnë veprimet e tyre kundër korrupsionit dhe të nxjerrin para drejtësisë gjithë ata që janë të përfshirë në akte korrupsioni. Është jetike për të ardhmen e popullit shqiptar dhe për anëtarësimin e Shqipërisë në BE”, nënvizon Delegacioni i BE.
“BE-ja qëndron krah Shqipërisë dhe popullit të saj në këtë luftë”, përfundon mesazhi i Delegacionit të BE në Shqipëri.
/r.e/
