STOKHOLM, 23 nëntor /ATSH-DPA/ – Socialdemokratja Magdalena Andersson u zgjodh nga parlamenti si kryeministrja e parë e Suedisë.
Aktualisht ministre e Financave, Andersson pason Stefan Lofven, i cili zyrtarisht njoftoi dorëheqjen e tij në fillim të këtij muaji, pas shtatë vjetësh në detyrë.
Lofven njoftoi në gusht se ai do të tërhiqej fillimisht si lider i socialdemokratëve dhe më pas si kreu i qeverisë.
Andersson u bë kreu i partisë në fillim të këtij muaji./ /os/
