LONDËR, 13 nëntor /ATSH-MIA/- – Sulmuesi nga radhët e Liverpulit, Mohamed Salah është shpallur lojtar i muajit për muajin tetor në Premier Ligë.
Salah muajin e kaluar ka shënuar pesë gola duke përfshirë edhe një triplet në derbin kundër Mançester Junajtedit në “Olld Traford”, ndërsa ka bërë edhe katër asistime.
Për yllin e Liverpulit kjo është mirënjohja e parë “Lojtar i Muajit” për këtë sezon, ndërsa e katërta në karrierë.
Çmimin e parë ai e mori në vitin 2017. /os/
