TIRANË 12 nëntor /ATSH-I.Vata/ Autoriteti Kombëtar i Ushqimit ushtroi sot 109 kontrolle zyrtare dhe monitorime në të gjithë vendin.
Gjatë ushtrimit të kontrolleve, ka vendosur 12 masa administrative si dhe ka bërë të mundur asgjësimin e 25 tonë mollë industriale dhe ka bllokuar 7.720 tonë produkte ushqimore.
Drejtoritë rajonale të AKU-së kanë ushtruar veprimtarinë e tyre në bazë të planit vjetor të inspektimit me bazë risku, mbi bazën e denoncimeve të ardhura në rrugët e komunikimit të institucionit, kërkesave për licencim, urdhra dhe plane monitorimi.
U bllokuan 7.720 tonë produkte ushqimore deri në dalje të rezultatit të analizave laboratorike.
/j.p/r.e/
