TIRANË 10 nëntor /ATSH-I.Vata/ Bashkia e Bulqizës vazhdon punën për hapjen e kanaleve kulluese në prag të stinës së dimrit për parandalimin e përmbytjeve.
Puna për hapjen e kanaleve ka filluar sot në Fushë-Bulqizë që të mundësojë devijimin e vërshimit të mundshëm të reshjeve.
Kryetari i bashkisë, Lefter Alla ka inspektuar nga afër punën e pastrimit të kanaleve kulluese.
“Në prag të dimrit dhe reshjeve të pritshme po angazhohemi në hapjen e kanaleve kulluese kudo që mund të ketë probleme. Këtu jemi në Bulqizë dhe Fushë-Bulqizë për të pastruar dhe hapur kanale që do të devijojnë vërshimet e mundshme të reshjeve”, shprehe ai.
Po ashtu, Alla shton se do të ndërhyjmë në pikëtakimin e Rrugës së Arbrit me kanalet kulluese të qytetit.
“Prej kohësh kemi komunikuar intensivisht edhe me ARSH, i cili gjatë këtyre ditëve do të ndërhyjë në pikëtakimin e Rrugës së Arbrit me kanalet kulluese të qytetit, gjë që pati shkaktuar edhe përmbytjet e një viti më parë”, shprehet ai.
/a.a/r.e/
