DAMASK, 20 tetor /ATSH-DPA/ – Të paktën 13 persona u vranë dhe tre të tjerë u plagosën në dy shpërthime të dyfishta në kryeqytetin sirian Damask, njoftuan mediet shtetërore.
Agjencia shtetërore siriane e lajmeve, SANA theksoi se ”pati dy shpërthime gjatë këtij sulmi terrorist ndërsa një autobus po kalonte Urën e Presidentit në Damask.
Pamjet e televizionit sirian treguan mbetjet e djegura të autobusit të rrënuar.
”Njësitë inxhinierike çmontuan një bombë të tretë që ishte vendosur në të njëjtën zonë”, raportoi SANA.
Ndërkohë, Observatori Sirian për të Drejtat e Njeriut me qendër në MB theksoi se ”shpërthimi vrau 14 persona dhe numri pritet të rritet”.
Observatori dhe SANA deklaruan ”se në autobus gjendeshin ushtarë sirianë”./ /os/
