NJU JORK, 30 shtator /ATSH-AFP/ – YouTube njoftoi se ka forcuar politikë e tij për të luftuar kundër përmbajtjes antivaksinë, duke theksuar se masat dënuese nuk do të kufizohen vetëm në videot e keqinformimit për vaksinat kundër COVID-19.
“Përmbajtja që pretendon në mënyrë të rreme se vaksinat e miratuara janë të rrezikshme dhe shkaktojnë efekte kronike shëndetësore, që pohon se vaksinat nuk zvogëlojnë transmetimin e sëmundjeve, që përmban informacione të pasakta në lidhje me substancat e përfshira në vaksina, do të fshihen”, tha platforma në një deklaratë.
“Kjo përfshin përmbajtje që pretendojnë në mënyrë të rreme se vaksinat e miratuara shkaktojnë autizëm, kancer ose infertilitet, ose që substancat në vaksina mund të gjurmojnë personat e vaksinuar me to”, vazhdoi kompania, një degë e Google.
Videot mashtruese në lidhje me vaksinimet rutinë, të tilla si fruthi ose hepatiti B, mund të hiqen nga faqja.
Nga ana tjetër, “përmbajtja në politikat e vaksinimit, provat e reja të vaksinave dhe sukseset ose dështimet historike të vaksinave” mbeten të autorizuara, siç mund të jenë dëshmitë personale për vaksinimin, përsa kohë që ato përputhen me rregulloret e platformës.
YouTube tashmë po aplikon masa për të luftuar keqinformimin rreth vaksinave antiCOVID-19, duke pretenduar se ka fshirë më shumë se 130 000 video vitin e kaluar, që shkelën rregullat e tij në këtë fushë.
Ndër masat e saj më të fundit, platforma pezulloi llogaritë gjermane të kanalit publik televiziv RT për shkeljen e rregullave të brendshme të komunitetit, duke transmetuar “informacione të rreme” për COVID-19 dhe për dëshirën për të anashkaluar pezullimin e shkarkimit./ /ervo/
