Rritje e cilësisë së shërbimit për bizneset e import-eksportit

TIRANË, 25 shtator/ATSH/ Drejtori i përgjithshëm i Doganave, Genti Gazheli, zhvilloi një takim me krerët e degëve doganore të Tiranës dhe Durrësit, dy degët doganore kryesore në vend, ku u diskutua mbi realizimin e detyrave dhe rritjen e cilësisë së shërbimit ndaj biznesit.

Gjatë këtij takimi në fokus ishin edhe problematikat e hasura gjatë punës së përditshme.

Kreu i doganës shqiptare kërkoi performancë në nivele të larta të çdo doganieri, sidomos në zbatimin e Kodit të Etikës, pritjen dhe kontrollin e pasagjerëve, por dhe në mbështetjen  e bizneseve, duke ju krijuar një klimë të favorshme për sipërmarrjen.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.