TIRANË 27 gusht /ATSH-I.Vata/ Bashkia Mat ka nisur punën për përgatitjen e institucioneve arsimore për vitin e ri shkollor 2021-2022.
Lajmi bëhet i ditur nga kryetari i bashkisë Mat, Agron Malaj, i cili thekson se 90% e institucioneve arsimore janë gati për fillimin e vitit shkollor.
“Pak javë na ndajnë nga nisja e vitit të ri shkollor dhe Bashkia Mat ka nisur punën me institucionet arsimore. Kemi përfunduar pothuajse 90% të punës për përgatitjen e institucioneve arsimore që ndodhen në territorin e bashkisë tonë”, thekson ai.
“Po vijojmë punën për pjesën e mbetur me lyerjen e godinave dhe riparimet e brendshme elektrike dhe hidraulike”, tha Malaj. /a.a/
