BERLIN, 13 gusht /ATSH-ANSA/ – 13 gushti (1961) ishte një ditë fatale për Gjermaninë dhe për botën, deklaroi presidenti i Gjermanisë, Frank-Walter Steinmeier në ceremoninë përkujtimore që po zhvillohet sot në Berlin për 60-vjetorin e ndërtimi të murit, që ndau qytetin për 28 vjet, deri në vitin 1989.
“Muri i Berlinit çimentoi ndarjen e botës”, tha ai duke nënvizuar se sa e dhunshme dhe çnjerëzore ishte kjo ndarje, që parandaloi kontaktet mes të afërmve, ndarjes së familjeve dhe miqve.
”Përkujtimi i ngjarjeve si 13 gushti shënon një sfidë që mbetet përgjithmonë. Liria dhe demokracia nuk jepen përgjithmonë”, theksoi shefi i shtetit.
“Duhet angazhim dhe pasion për t’i mbajtur ato dhe mendojeni këtë kur të votoni”, deklaroi Steinmeier./ a.jor.
