“Za Fest” promovon vlerat kulturore në Shkodër

TIRANË, 2 gusht/ATSH/ Edicioni i 5-të i festivalit “Za Fest” iu kushtua qytetit të Shkodrës, me aktivitete të mbajtura 3 ditë me radhë në Shirokë, në rrugën muzeale të Gjuhadolit dhe koncert në kalanë e Rozafës.

Festivali i mbështetur edhe nga Ministria e Kulturës dhe Delegacioni i BE-së në Tiranë, bëri bashkë artistë të njohur shqiptarë brenda e jashtë vendit, si Shpat Deda, Josif Gjipani, Ekland Hasa, Gjon’s Tears, Gentian Doda, Vlashent Sata, Gipsy Barcelona Balkan Orchestra etj.

Festivali e shndërroi mbrëmjen e djeshme kalanë e Shkodrës në një arenë festive me praninë e shumë të rinjve.

Festivali i cili ka nisur rrugëtimin 5 vite më parë, në Theth, për të zbuluar thesaret e folklorit shqiptar, kishte të ndërthurur muzikën, legjendat, poezinë dhe kinemanë.

/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.