ROMË, 22 korrik /ATSH-ANSA/ – Presidenti Sergio Mattarella kujtoi Indro Montanellin në 20-vjetorin e vdekjes së dekanit të gazetarisë italiane.
“Duke kujtuar Indro Montanellin, 20 vjet pas vdekjes së tij, akoma ngjall emocione të forta, jo vetëm tek ata që e njihnin më mirë, por gjithashtu në shumë njerëz që vlerësuan cilësitë e tij si gazetar, rrëfimtar, popullarizues i historisë dhe polemist që nuk i largoi tonet e forta edhe në rrezik të çorientimit të admiruesve të tij”, tha Mattarella për gazetarin, historianin dhe shkrimtarin që ishte gur kilometrik për konservatorët liberalë në Itali dhe një model për shkrimtarë aspirues.
“Gazetaria e Indro Montanellit përshkoi pjesën më të madhe të shekullit XX. Duke filluar aktivitetin e tij gjatë regjimit fashist, ai ishte korrespondent i luftës dhe u dallua në ato vite për mënyrën në të cilën e paraqiti punën e tij”, tha Mattarella./ /os/
