TOKIO, 9 korrik /ATSH-AA/ – Lojërat Olimpike në Tokio do të zhvillohen pa spektatorë vendas për shkak të rritjes së rasteve me koronavirus.
”Njoftimi, i cili u bë nga ministrja e Olimpiadës, Tamayo Marukawa, erdhi menjëherë pasi qeveria japoneze shpalli gjendje të jashtëzakonshme në Tokio midis 12 korrikut dhe 22 gushtit”, raportoi agjencia e lajmeve Kyodo.
Japonia më parë kishte ndaluar praninë e spektatorëve ndërkombëtarë në Lojërat Olimpike, të cilat do të mbahen nga 23 korriku deri më 8 gusht. /os/
