BUKURESHT, 30 qershor /ATSH-DPA/ – Qeveria rumune e koalicionit ndërmjet konservatorëve, liberalëve dhe të gjelbërve, e drejtuar nga kryeministri Florin Citu, i mbijetoi një vote mosbesimi në parlament.
Mocioni u paraqit nga Partia Social-demokratike (PSD) në opozitë.
Në votimin në dy dhomat e parlamentit, në Dhomën e Deputetëve dhe Senat, 201 parlamentarë nga PSD dhe AUR i ekstremit të djathtë votuan në favor të mocionit të mosbesimit.
Sidoqoftë, ata nuk arritën minimumin prej 234 votave të nevojshme për të rrëzuar qeverinë./ /os/
