PRISHTINË, 14 qershor /ATSH/ Presidentja Vjosa Osmani shkarkoi sot kryetaren e Komisionit Qendror të Zgjedhjeve, Valdete Daka. Vendimi është marrë sot, pas refuzimit që Daka të jepte dorëheqjen.
“Znj. Valdete Daka i ndërpritet mandati si Kryesuese e Komisionit Qendror të Zgjedhjeve të Republikës së Kosovës. 2. Vendimi hyn në fuqi në datën e nënshkrimit”, thuhet në vendim.
Pritet që në orët në vijim të bëhen të ditura edhe arsyet e plota për këtë vendim.
Më herët gjatë ditës, KosovaPress mësoi se Presidentja Osmani i kishte kërkuar dorëheqje Dakës, në këmbim të mirënjohjes publike për punën e saj, mirëpo Daka kishte refuzuar një gjë të tillë.
