TIRANË, 1 qershor/ATSH/ Dhurata më e bukur në festën e 1 Qershorit, për të gjithë të miturit e IEVP Kavajë ishte takimi i ngrohtë me prindërit e tyre.
Ministrja e Drejtësisë, Etilda Gjonaj ndau sot pamje nga ky aktivitet i organizuar nga Ministria e Drejtësisë, Drejtoria e Përgjithshme e Burgjeve dhe Ansambli i Tiranës.
“Pas një periudhe kufizimi të takimeve fizike si rezultati i masave të marra nga pandemia, sot të gjithë të miturit u rrethuan nga dashuria e prindërve në një festë kulturore të organizuar nga Ministria e Drejtësisë dhe Drejtoria e Përgjithshme e Burgjeve, me këngë e valle nga Ansambli i Tiranës”, tha Gjonaj.
Këtij aktiviteti iu bashkuan edhe dy aktorë, duke e bërë më të bukur ditën e fëmijëve.
Po ashtu, pjesë e këtij aktiviteti ishin edhe pikturat e të miturve, të cilat ishin ekspozuar për të ftuarit.
/m.m/j.p/r.e/
