TIRANË, 28 maj/ATSH/ Shërbimi i Kontrollit Teknik të mjeteve rrugore do të rinisë nga data 31 maj, ndërsa Drejtoria e Përgjithshme e Shërbimit të Transportit Rrugor publikoi kalendarin e kategorive më prioritare në këtë proces.
Sipas udhëzimit, fillimisht do të kryejnë kontrollin teknik kamionët, rimorkiot dhe tërheqësit të cilëve iu ka skaduar certifikata e mëparshme. Njëkohësisht do të kryejnë kontrollin edhe të gjitha mjetet në pronësi të institucioneve shtetërore.
Mjetet e tjera rrugore për transport mallrash të rrezikshme, ato për transport udhëtarësht dhe ndërqytetës, taksitë, autoshkollat dhe mjetet e tjera në pronësi të subjekteve do të kryejnë kontrollin teknik në një fazë të dytë që do të njoftohet nga DPSHTRR.
Të gjitha mjetet e përdorura të regjistruara për herë të parë në Republikë e Shqipërisë nga data 1 janar, të gjitha mjetet që ju ka përfunduar certifikata e kontrollit teknik deri në datën 23 dhjetor 2020 ose nuk e kanë kaluar kontrollin teknik dhe duhet të riparaqiteshin brenda datës 31 dhjetor 2020.
“Synojmë uljen e kostove për qytetarët, garantimin e cilësisë e standardeve, si edhe ngritjen e dinjitetit të Automotorizimit Shqiptar. Investojmë për modernizimin e informatizimin, monitorimin në kohë reale, me qëllim ndalimin e qarkullimit të mjeteve jashtë parametrave, disiplinimin e flotës së mjeteve rrugore, mbrojtjen e ambientit dhe rritjen e sigurisë rrugore në Shqipëri”, bën të ditur DPSHTRR. /j.p/
