BERLIN, 15 maj /ATSH/ – Rezultatet nga një studim afatgjatë i 8 001 personave sugjerojnë se gjumi me hope lidhet me sëmundjet kardiovaskulare dhe vdekshmërinë te gratë më shumë se burrat, sipas një artikulli të botuar në DW.
Të gjithë zgjohemi herë pas here gjatë natës, studiuesit e quajnë këtë gjendje “zgjim kortikal”, një periudhë e shkurtër zgjimi pa ndjenja.
Dhe, megjithëse zgjimet e tilla ndikojnë në rrahjet e zemrës sonë, presionin e gjakut dhe rrjedhën e gjakut (hemodinamika kardiake), ato janë normale, por kur këto ngacmime të natës bëhen të shpeshta, ato mund të bëhen një “barrë”.
Studiuesit që studiojnë gjumin (polisomnologët) flasin për “barrën e zgjimit” të natës.
Ata kanë treguar se barra e zgjimit mund të prishë ritmin natyror të sistemit kardiovaskular të trupit dhe kjo mund të çojë në presion të lartë të gjakut dhe rezistencë ndaj insulinës.
Tani, studimi i 8 001 personave, i shpërndarë në grupe të ndryshme provash, sugjeron se ekziston një lidhje midis barrës së zgjimit dhe vdekshmërisë nga sëmundjet kardiovaskulare dhe “të të gjitha shkaqeve”, domethënë, gjumi i keq mund të jetë fatal.
Sidoqoftë, studiuesit pranojnë se mosha dhe prejardhjen shoqërore e pjesëmarrësve ishte një kufizim në gjetjet e tyre: “Të gjitha grupet përfshijnë kryesisht burra dhe gra kaukazianë, të moshës kryesisht të mesme deri në moshë më të madhe, prandaj gjetjet tona nuk mund t’u atribuohen racave të tjera ose individëve më të rinj”./ /ervo/
