Zbulohet një specie e re dinozauri

MEKSIKO SITI, 14 maj /ATSH-DPA/ – Studiuesit meksikanë kanë zbuluar një gjini dhe specie të panjohur më parë të dinozaurëve, njoftoi Instituti Kombëtar i Antropologjisë dhe Historisë (INAH) i vendit.

Studiuesit ishin në gjendje të identifikonin speciet barishtore ”Tlatolophus galorum” nga një kafkë, e ruajtur gati 80%, që u gjet gjatë gërmimeve në shtetin verior të Meksikës Coahuila.

Gjetja përfshinte edhe një kurriz të gjatë 1,32 metra.

Emri i gjinisë Tlatolophus është i përbërë nga fjala tlahtolli (fjalë) në gjuhën azteke Nahuatl dhe fjala greke lophus (kreshtë).

”Ky dinozaur duhet të ketë ngordhur 72 ose 73 milion vjet më parë, në një tokë të pasur me sedimente dhe si rezultat, trupi i tij është ruajtur mirë”, sipas INAH. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.