KIEV, 26 prill /ATSH-AFP/ – Ukraina përkujton sot katastrofën e Çernobilit, 35 vjet pas aksidentit më të rëndë bërthamor të historisë që kontaminoi një pjesë të mirë të Europës.
Presidenti Volodymyr Zelensky pritet sot në zonën e izolimit që rrethon centralin e aksidentuar në një rreze prej 30 kilometrash.
Më 26 prill 1986, në orën 01:23, reaktori numër 4 i centralit të Çernobilit, që ndodhet 100 kilometra nga Kievi, shpërtheu gjatë një testimi sigurie.
Për 10 ditë, reaktori bërthamor u dogj duke lëshuar në atmosferë elemente radioaktive që do të kontaminonin, sipas disa vlerësimeve, deri tre të katërtën e Europës, por kryesisht Ukrainën, Bjellorusinë dhe Rusinë, në atë kohë republika sovjetike.
Autoritetet sovjetike u përpoqën ta fshihnin këtë aksident dhe presidenti Mihail Gorbaçov doli publikisht vetëm më 14 maj.
Në total, 116 000 persona u evakuan në 1986 nga zona rreth centralit, që vazhdon të jetë i pabanuar edhe sot./ /ec/
