NJU JORK, 27 mars /ATSH-ANSA/- Pas Twitter, edhe “New York Times” hidhet në tregun NFT, “Non Fungible Token”, certifikata dixhitale që bazohen në blockchain dhe që po bëhen një ethe e vërtetë teknologjike për koleksionistët.
Një kolumnist i Big Apple shiti një nga artikujt e tij në formatin NFT për 563 000 dollarë, që do të shkojë për një shoqatë bamirësie që kujdeset për personat në nevojë.
Artikulli, i nënshkruar nga Keven Roose, titullohet “Bleni këtë kolonë në Blockchain”: eksperimenti u bë për të provuar tregun dhe për të kuptuar se cilët artikuj mund të shiten në formën e “Non Fungible Token”.
“Përparësia më e madh është të kesh një pjesë të historisë. Ky është artikulli i parë në jetën gati 170-vjeçare të “Times” që shpërndahet si NFT: Zotërimi i tij mund të jetë i barabartë me transmetimin e parë të TV NBC ose emailin e parë në adresën e Aol”, shpjegon Roose në editorialin e tij.
Në fund të ankandit 24-orësh, një koleksionist e fitoi artikullin për 350 Ethereum, një kriptomonedhë e madhe, me vlerë 563 000 dollarë, që do t’i shkojnë shoqatës “Neediest Cases Fund”./ /ervo/
