TIRANË, 24 mars/ATSH/ Ministria e Drejtësisë dhe Drejtoria e Përgjithshme e Ndihmës Juridike Falas vijojnë me promovimin e shërbimit për qytetarët, si edhe me shpërndarjen e fletëpalosjeve në kuadër të fushatave të ndërgjegjësimit të shtetasve mbi shërbimin juridik falas.
Ekipi i Drejtorisë së Përgjithshme të Ndihmës Juridike Falas promovoi shërbimet direkt tek qytetarët në qytetin e Gjirokastrës ku organizoi një fushatë ndërgjegjësimi dhe u afishuan postera të ndihmës juridike në institucione të ndryshme të këtij qyteti si dhe në Universitetin “Eqrem Çabej””.
Gjithashtu u shpërndanë fletëpalosje dhe manuale, të cilat shpjegojnë se si qytetarët mund të përfitojnë ndihmë juridike falas.
Këto fushata ndërgjegjësimi do të vijojnë në gjithë qytetet e tjera të Shqipërisë për t’u ardhur në ndihmë të gjithë qytetarëve.
/m.m/j.p/r.e/
