CIKAGO 19 mars /ATSH-DPA/ – Administrata Federale e Aviacionit (FAA) e SHBA-së deklaroi se do të inspektojë katër avionë të sapo prodhuar 787 ”Dreamline” duke privuar kompaninë nga autoriteti për të nënshkruar avionët.
“FAA po ndërmerr një seri veprimesh korrigjuese për të adresuar problemet e prodhimit të ‘Boeing’ 787”, tha agjencia në një deklaratë.
“Një nga veprimet është mbajtja e autoritetit për lëshimin e certifikatave të vlefshmërisë ajrore për katër aeroplanët 787. FAA mund të mbajë autoritetin për të lëshuar certifikata të vlefshmërisë ajrore për 787 avionë shtesë nëse paraqitet nevoja”, vazhdon deklarata.
FAA forcoi kontrollin e ”Boeing” 787 ”Dreamline” vetëm katër muaj pasi agjencia hoqi një ndalim 20-mujor të fluturimit në 737 ”Max” më të shitur të ”Boeing”, i cili u vendos në mars 2019 pas dy përplasjeve fatale në pesë muaj.
FAA gjithashtu mbajti autoritetin e saj për të nënshkruar avionin ”Boeing” 737 ”Max” që ”Boeing” prodhoi pas rrëzimit.
Më parë, FAA lejoi ”Boeing” të nënshkruajë në emër të saj, duke lejuar kompaninë të lëshojë certifikata të vlefshmërisë ajrore. /os/
