UASHINGTON, 16 mars /ATSH-DPA/ – Senati i SHBA konfirmoi Deb Haaland si kreun e ri të Departamentit të Brendshëm, duke e bërë atë amerikanen e parë indigjene që mban atë pozicion të kabinetit.
Katër senatorë republikanë u bashkuan me demokratët e tjerë për të mbështetur emërimin e ligjvënëses nga Nju Meksiko, të kaluar me një votim 51-40.
Nëntë senatorë nuk votuan.
Haaland i përket fisit Laguna Pueblo.
Sipas faqes së saj zyrtare, ajo është një brez i 35-të neomeksikan.
Departamenti i Brendshëm është kryesisht përgjegjës për administrimin e tokës në pronësi federale.
“Konfirmimi i Deb Haaland është një hap i fortë përpara në misionin e demokratëve për të promovuar një të ardhme të qëndrueshme të energjisë së pastër në Amerikë me barazi dhe drejtësi për të gjithë”, theksoi Nancy Pelosi në një deklaratë. /os/
