TOKIO, 14 mars /ATSH-ANSA/ – Garanci deri në gjashtë vjet për të gjithë skuterët dhe motoçikletat e kompanisë ”Honda”, bëri të ditur kompania.
Kompania japoneze ka njoftuar se nga 1 marsi 2021 të gjithë motorët dhe skuterët ”Honda” përfitojnë nga garancia e re e ”Honda”-s deri në 6 vjet.
Prandaj ”Honda” ofron drejtpërdrejt dhe falas për klientët e saj një periudhë zyrtare garancie të prodhuesit me një kohëzgjatje totale maksimale prej 6 vjetësh, ose një zgjatje falas, krahasuar me garancinë ligjore të parashikuar nga ligji, për katër vjet të tjerë.
Për të përfituar nga kjo, klientët e ”Honda”-s nuk kanë pse të bëjnë asgjë, përveç që të jenë plotësisht në përputhje me programin e mirëmbajtjes për motoçikletat ose skuterët e tyre si një kërkesë e domosdoshme, që do të kryhet nga rrjeti zyrtar i ndihmës së ”Honda”-s./ /os/
