TIRANË, 11 mars /ATSH/ Komisioni Rregullator shqyrtoi dhe miratoi sot unanimisht projektvendimin “Për procedurën e hedhjes së shortit për përcaktimin e renditjes së subjekteve zgjedhore në fletën e votimit për zgjedhjet për Kuvendin e Shqipërisë, të datës 25 prill 2021”.
Vendimi përcakton rregullat për hedhjen e shortit, për përcaktimin e renditjes në fletën e votimit të subjekteve zgjedhore.
Akti përmban 7 nene ku përcaktohet hedhja e shortit për renditjen e subjekteve zgjedhore në fletën e votimit në zgjedhjet për Kuvend, veprimet paraprake përpara hedhjes së shortit dhe procedura e shortit për përcaktimin e renditjes së subjekteve zgjedhore.
Gjithashtu, parashikon miratimin e rezultatit të shortit dhe ankimimin e tij.
/j.p/r.e/
