Peshku blu zvogëlon rrezikun e diabetit

ROMË, 8 mars /ATSH/ – Revista ”Diabetes Care” së fundmi publikoi një studim që tregon se ngrënia e peshkut blu, në baza të rregullta, zvogëlon ndjeshëm rrezikun e zhvillimit të diabetit të tipit 2, shkruan faqja e internetit ilgiornale.it

Studiuesit e Kolegjit të Mjekësisë ”Albert Einstein” në Nju Jork thonë se ”aktualisht është më e kujdesshme të rekomandosh konsumimin e peshkut të freskët blu si pjesë e një diete të shëndetshme sesa të përdorësh suplemente të vajit të peshkut për parandalimin e diabetit”.

Studimi përfshiu rreth 400 000 qytetarë të Britanisë së Madhe pa diabet ose sëmundje kardiovaskulare.

Ata që konsumuan të paktën një herë në javë peshk blu treguan një ulje prej 22% të incidencës së diabetit të tipit 2 krahasuar me ata që nuk konsumuan.

Nga ana tjetër, tek ata që raportuan se merrnin rregullisht një suplement vaji peshku, incidenca e sëmundjes u zvogëlua me vetëm 9%.

Pra nëse ju pëlqen peshku blu do të ishte mirë ta konsumonit një ose dy herë në javë, përndryshe mund të merrni një shtesë vaj vaji peshku, i cili gjithashtu mund të ndihmojë në uljen e niveleve të triglicerideve në gjak dhe në trajtimin e problemeve të ndryshme shëndetësore. /os/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.