UASHINGTON, 4 shkurt /ATSH-DPA/ – Presidenti i SHBA-së, Joe Biden ka emëruar zyrtarisht ish-zëvendës sekretarin e Shtetit, William Burns si drejtorin e ri të Agjencisë Qendrore të Shërbimit Sekret (CIA).
Shtëpia e Bardhë tha se administrata Biden dërgoi emërimin e Burns në Senat për konfirmim.
Nëse konfirmohet nga Senati, Burns do të zëvendësonte Gina Haspel, e cila u emërua nga ish-presidenti Donald Trump për të drejtuar CIA-n në 2018.
Demokratët kontrollojnë dhomën e lartë të Kongresit Amerikan.
Burns ka më shumë se tre dekada përvojë në shërbimin e jashtëm amerikan dhe ka shërbyer në pozicione të shumta të sigurisë kombëtare për administratat demokrate dhe republikane./ /ec/
