UASHINGTON, 12 janar /ATSH-DPA/ – Zëvendëspresidenti amerikan, Mike Pence nuk ka ndërmend të kërkojë zbatimin e Amendamentit 25 për fajësimin e presidentit Donald Trump.
“Nuk është në interes të vendit ose në përputhje me Kushtetutën”, theksoi ai, në një letër drejtuar kryetares të Dhomës së Përfaqësuesve, Nancy Pelosi.
Me këtë ”jo” të Pence, demokratët tani po përgatiten të vazhdojnë me fajësimin e Trump.
Presidenti është gjithnjë e më i izoluar dhe partia e tij po distancohet nga ai.
Lista e deputetëve republikanë që synojnë të votojnë në favor të fajësimit rritet ndërsa orët kalojnë.
Vajza e ish-zëvendëspresidentit, Dick Cheney dhe e treta në hierarkinë republikane përdori fjalë të ashpra kundër Trump, duke e akuzuar se kishte ndezur protestat. /os/
