UASHINGTON, 6 janar /ATSH-AFP/ – Zëvendëspresidenti amerikan, Mike Pence bëri të ditur se ai nuk do ta kundërshtojë certifikimin e fitores presidenciale të Joe Biden, duke theksuar se kjo është e pamundur për shkak të kufizimeve të Kushtetutës.
Ai i paraqiti argumentet e tij në një letër të botuar pak para hapjes së një seance të jashtëzakonshëm të Kongresit, që synon të regjistrojë zyrtarisht rezultatet e zgjedhjeve presidenciale të 3 nëntorit.
Presidenti Donald Trump, i cili ka theksuar se nuk do ta pranojë humbjen, i kërkoi Pence, i cili kryeson këtë takim të Kongresit, që të shfrytëzojë rastin për të refuzuar njohjen e fitores së demokratit./ /ervo/
