LONDËR, 24 dhjetor /ATSH-AFP/ – Kryeministri britanik Boris Johnson njoftoi sot se Britania e Madhe do të braktisë programin europian të shkëmbimit për studentët “Erasmus”, si pjesë e marrëveshjes së tij postBrexit e arritur sot me BE-në.
“Ky ishte një vendim i vështirë, por edhe pse ishte një gjë e mrekullueshme të mikprisje aq shumë studentë europianë, programi ishte jashtëzakonisht i shtrenjtë për Britaninë e Madhe”, theksoi ai.
Kreu i qeverisë konservatore njoftoi, gjithashtu, një program kombëtar për të lejuar studentët britanikë të shkojnë për studime në universitetet më të mira në të gjithë botën dhe jo vetëm në Europë.
Programi “Erasmus”, ku BM bënte pjesë që nga viti 1987, do t’i lërë vendin programit “Alan Turing”, që mban emrin e matematikanit të famshëm britanik./ /ervo/
