BOLONJË, 6 nëntor /ATSH-ANSA/ – Më shumë se 30% e njerëzve që preken nga infeksioni Covid-19 raportojnë rënie të flokëve.
”Dhe kjo, në nivelin psikologjik rëndon pasojat”, sipas Shoqatës Italiane të Dermatologjisë.
”Shumë persona që kanë kaluar virusin Covid-19 raportojnë një dobësim dhe rrallim të flokëve. Rënia e flokëve në këtë rast krahasohet me humbjen tipike të tyre pas ngjarjeve traumatike”, thekson ajo.
Në një masë shumë të vogël, kjo ndodh gjithashtu gjatë ndryshimit të sezonit.
“Raportet e para datojnë prej muajit qershor dhe vijnë nga e gjithë bota. Në Bolonjë, ne krijuam një task forcë për të regjistruar të gjitha rastet e humbjes së flokëve pas infeksionit Covid-19 dhe për të gjetur një shpjegim”, theksoi profesoresha Bianca Maria Piraccini, nga Universiteti i Bolonjës.
Forma më e shpeshtë (90% e rasteve), ndodh pas dy ose tre muajsh shërimi dhe mendohet të jetë për shkak të pushimit në shtrat, humbjes së peshës, ipo-oksigjenimit, ilaçeve dhe stresit të cilit trupi i është nënshtruar.
Sidoqoftë, gjithmonë është një rënie kalimtare.
Efektet sipas ekspertëve vijnë nga përdorimi i kortizonit dhe suplementeve ushqimore të bazuara në antioksidantë. /os/
