KALIFORNIA, 16 tetor /ATSH-ANSA/ – Konsumi i transmetimit të videove është rritur me 16% globalisht gjatë vitit të kaluar. I nxitur nga pandemia dhe nga qëndrimi më i gjatë në shtëpi, ajo ka arritur një mesatare globale prej gati tetë orësh, sipas ‘State of Online Video 2020’, një studim për të kuptuar perceptimet dhe sjelljet e konsumatorëve në lidhje me videot në internet.
Sipas studimit, pothuajse gjysma e njerëzve në të gjithë botën (47%) janë pajtuar në një shërbim të ri transmetimi video në gjashtë muajt e fundit, kryesisht për shkak se ata kaluan më shumë kohë në shtëpi për shkak të Covid-19.
Faktori i dytë që çoi në rritjen e pajtimeve të reja ishte disponueshmëria e përmbajtjeve të reja që njerëzit dëshironin të shihnin.
YouTube dominon si platforma e preferuar për shikimin e videove globalisht (65%), ndjekur nga Facebook (16%).
Globalisht, pothuajse gjysma (47%) do të anulonin pajtimin e tyre në shërbimin ”streaming ” për shkak të çmimeve të larta. Më shumë se një e treta (37%) e përdoruesve globalw pranojnë se kanë ndarë ose përdorur llogarinë e dikujt tjetër. /os/
