LONDËR, 2 tetor /ATSH-AA/ – Skuadra e Premier Ligës angleze, Aston Villa nënshkroi me futbollistin Ross Barkley në një huazim sezonal nga Chelsea.
Pasi u bashkua me “të kaltërtit” nga Everton në vitin 2018, mesfushori 26-vjeçar shënoi 11 gola në 86 ndeshje në të gjitha garat për klubin anglez.
Ai gjithashtu përfaqësoi kombëtaren e Anglisë në 33 ndeshje.
Trajneri i Aston Villas, Dean Smith tha se “marrja e një lojtari me cilësi si Ross është vërtetë një befasi për klubin tonë, dhe unë jam i sigurt se ai do të shkëlqejë këtu dhe do të përmirësojë ekipin tonë”.
Ai mund të bëjë debutimin e tij në Aston Villa kundër Liverpoolit. /os/
