TIRANË, 9 shtator/ATSH/ Majlinda Angoni është prefektja e re e qarkut Shkodër.
Këshilli i Ministrave, në mbledhjen e tij të radhës mori vendimin për emërimin e Angonit në detyrën e Prefektes së Shkodrës, me propozimin e ministrit të Brendshëm.
Në prill të këtij viti, Këshilli i Ministrave liroi nga detyra prefektin Çesk Millja. Vendimi sipas ministrit të Brendshëm Sandër Lleshaj, u mor në kuadër të përpjekjeve për një mbështetje më të madhe nga ana e Qeverisë për Shkodrën në tërësi, dhe sidomos për mbështetjen e masave për tejkalimin e gjendjes së krijuar nga pandemia COVID-19.
Për të menaxhuar me efikasitetin më të lartë situatën në Qarkun e Shkodrës, qeveria ngarkoi me detyrën e koordinimit dhe të drejtimit të përpjekjeve të gjithë degëve territoriale të qeverisjes në këtë qark zëvendësministrin e Brendshëm, Besfort Lamallari. /a.gjonaj//r.e/
