ROMË, 31 gusht /ATSH-ANSA/ – Postimi i fundit nga llogaria e “Black Panther”, ai me të cilin familja e aktorit Chadwick Boseman njoftoi vdekjen e tij, ka hyrë në historinë e Twitter-it, si mesazhi me më shumë “like” që ka patur ndonjëherë rrjeti social, njoftoi vetë kompania.
“Aktualisht ka 6,5 milionë zemra për mbretin T’Challa të “Black Panther”, tre milionë ripostime dhe 156 000 komente”, tha Twitter.
Ky rekord vetëm sa konfirmon valën e madhe të emocioneve që shkaktoi vdekja e parakohshme e aktorit, nga një kancer, në moshën 43 vjeçare, që u bë një ikonë e popullit afro-amerikan./ /ervo/
