SOFJE, 17 gusht /ATSH-DPA/ – Pas rreth 40 ditësh protestash kritike për qeverinë bullgare, kryeministri Boyko Borisov paraqiti sot një projektkushtetutë.
“Populli kërkon përfaqësim maksimal. E vetmja mënyrë është me një kushtetutë të re”, tha Borisov.
Projektligji u soll para parlamentit nga partia GERB e Borisovit, që kërkon të arrijë një marrëveshje të gjerë me grupet e tjera parlamentare për zgjedhjen e një parlamenti të madh kushtetues.
Dokumenti përfshin, gjithashtu, ndryshime në atë që konsiderohet të jetë gjyqësor joefikas, veçanërisht përsa i përket kontrollit të prokurorëve publikë nga kryeprokurori, i kritikuar nga protestuesit, i cili duhet të frenohet.
Të premten, kryeministri tha se do të jepte dorëheqjen ditën kur parlamenti të vendosë për mbajtjen e zgjedhjeve për një asamble kushtetuese të popullit./ /ervo/
