TIRANË, 7 gusht/ATSH/ Në njësinë administrative Rrape, në Pukë, ka nisur puna për hapjen e rrugës automobilistike të lagjes Palucaj në fshatin Breg.
Kjo zonë gjithnjë ka vuajtur mungesën e një rruge dhe shpesh banorët kanë rrezikuar jetën duke kaluar përmes një ure të degraduar.
Tashmë falë mbështetjes së një biznesmeni të zonës, banorët do të kenë rrugën automobilistike.
Kryetari i bashkisë Pukë, Gjon Gjonaj inspektoi sot punimet për hapjen e trasesë së rrugës, dhe falenderoi biznesmenin Mark Luli, i cili ju përgjigj pozitivisht kërkesës të kryebashkiakut Gjonaj, duke ndihmuar në përmirësimin e infrastrukturës të zonës.
Gjonaj falënderoi edhe banorët e lagjes Palucaj për konsensusin dhe tolerancën e treguar për hapjen e trasesë të rrugës në shërbim të tyre./m.m//r.e/
