BEOGRAD, 19 korrik /ATSH-AFP/ – Presidenti serb, Aleksandar Vuçiç tha sot se ishte regjistruar në universitet me qëllim që të diplomohej për të përmbushur një ëndërr fëmijërie, atë për t’u bërë trajner basketbolli i të rinjve.
“Për herë të dytë në jetën time po kthehem të jem student… duke shpresuar se mund të bëhem trajner basketbolli. Ju nuk e dini sa i lumtur jam, që pas shumë vitesh do ta realizoj ëndrrën time të fëmijërisë”, shkruan Vuçiç në Instagram.
Në një foto, presidenti 50-vjeçar, i diplomuar në drejtësi, pozon me kartën e tij studentore nga Universiteti i Sportit dhe Shëndetit në Beograd.
“Nuk ka asgjë më të bukur sesa të kalosh të shtunën dhe të dielën me lojtarë të rinj dhe fëmijë nga të cilët mund të mësosh gjëra”, i tha Vuçiç gazetës ”Kurir”, një tabloid proqeveritar.
Ai shtoi se ëndrra e tij ishte të stërviste fëmijë.
I emëruar kryeministër në vitin 2014, ai u zgjodh president në 2017./ a.jor.
