ZAGREB, 6 korrik /ATSH-ANSA/ – Pas këtij rezultati të shkëlqyer dhe besimit të shumicës së kroatëve, që nga nesër na presin sfida të vështira për të cilat jemi gati për të marrë përgjegjësinë e plotë, deklaroi kryeministri kroat, Andrej Plenkoviç pasi komentoi fitoren e zgjedhjeve politike të mbajtura dje në vend.
Konservatorët me 68 deputetë (nga 151) morën një fitore historike, rezultati më i mirë që nga viti 1995, viti i fundit i luftës për pavarësinë e Kroacisë.
“Sot fitoi përvoja jonë dhe sovraniteti modern europian ”, theksoi Plenkovic, i cili vitet e fundit e solli partinë e tij në një vijë të moderuar dhe më europiane.
Bashkimi Demokrat Kroat (HDZ) konservator i kryeministrit, Andrej Plenkoviç fitoi dje zgjedhjet parlamentare.
Rivalët e tyre kryesorë, koalicioni i udhëhequr nga social-demokratët (SDP) vetëm 44 vende në parlament.
Lëvizja ”Atdheu” e ekstremit të djathtë, e cila është një aleate natyrore e HDZ, mund të marrë 16 vende.
Të dy partitë mund ta kontrollojnë të vetme këtë legjislaturë.
Dy parti më të vogla, Mozhemo dhe MOST pritet të kenë tetë vende secila./ /os/
