TIRANË, 6 maj/ATSH/ Ministri në detyrë për Europën dhe Punët e Jashtme, Gent Cakaj thotë se Shqipëria do të vijojë të tregojë kujdes në promovimin e barazisë gjinore pavarësisht nga pandemia.
Përmes një reagimi, Cakaj thotë se së bashku me 57 vende u ritheksua nevoja për të mbrojtur dhe promovuar përgjegjshmërinë gjinore në krizën e krijuar nga COVID-19.
“Së bashku me 57 vende nga e gjithë bota ne ritheksuam nevojën për të mbrojtur dhe promovuar përgjegjshmërinë gjinore në krizën COVID-19. Shqipëria do të vazhdojë të tregojë kujdes për promovimin e grave dhe barazinë gjinore pavarësisht nga pandemia. Të fortë së bashku”, u shpreh Cakaj. /j.p/r.e/
